Pesë aeroportet më të rrezikshme në botë

Shumë njerëz i frikësohen udhëtimeve me aeroplanë, edhe pse ky lloj i transportit konsiderohet si më i sigurti.

 

Megjithatë, këto aeroporte sigurisht se do t’i frikësonin pasagjerët më shumë për shkak të aterrimeve dhe ngritjeve të vështira në ajër.

Më poshtë ju sjellim pesë aeroportet më të rrezikshëm në botë. Shumica prej tyre u krijojnë probleme të mëdha pilotëve për shkaqe teknike si dhe kushteve atmosferike, transmeton Telegrafi.

Aeroporti Lukla

Qarkullojnë thashetheme se pasagjerët gjithmonë duartrokasin kur aeroplani aterron sigurtë, në pistën që është shumë e ngushtë dhe e shkurtër. Madje nuk ndihmon aspak pilotin edhe pse është i ndërtuar në afërsi të kodrave. Në fakt është i ndërtuar në lartësi prej 2,8422 metrave dhe konsiderohet si një nga aeroportet që janë ndërtuar në lartësitë më mëdha.

Aeroporti Madeira, Portugali

Madeira është një lokacion i njohur në Portugali, kurse në vitin 2016 arriti kulmin e popullariteti pasi që aeroporti fitoi epitetin e atij ndërkombëtar dhe mori emrin e legjendës së futbollit Cristiano Ronaldo. Megjithatë, aeroporti Madeira është i njohur si aeroporti i tretë më i rrezikshëm në Evropë, për shkak të pistës së ngushtë dhe erërave të forta që fryjnë nga deti.

Aeroporti ndërkombëtar Courchevel, Francë

Ky aeroport gjendet në qytetin Courchevel, në alpet franceze. Për faktin se gjendet në një zonë malore, ka një pistë të shkurtër prej vetëm 537 metrave. Aty ka shumë mjegull, gjë që ia vështirëson shumë punën pilotëve.

Aeroporti Bara, Skoci

Aeroporti Bara ka fituar epitetin e njëri prej aeroporteve më të rrezikshëm në botë, për shkak se pista gjendet në plazh. Stuhia e rërës që formohet nga helikat e motorëve i krijon probleme pilotit gjatë aterrimit, kështu veturat e parkuara në parking shpesh i ndezin dritat për t’i ndihmuar gjatë zbritjes.

  

 

Barra airport. The only airport in the world where you land on the bottom of the sea. Timetables are adapted to fit the tide!

Gepostet von Dan Andersson am Mittwoch, 18. Juli 2018

 

Stacioni McMurdo, Antarktik

I ndërtuar në Antarktik, të tri pistat në stacionin McMurdo janë ndërtuar nga akulli. Gjatë dimrit, ato qëndrojnë me muaj të tërë, kurse pilotët detyrohen të aterrojnë gjatë natës të përdorin pajisje për vëzhgim gjatë natës. /Telegrafi/

 

close